ՀՀ կառավարության որոշմամբ (15.09.2022) վերաբաշխում է կատարվել ԿԳՄՍ նախարարության 2022 թվականի բյուջեում. 146 մլն 413.9 հազար դրամ գումար է հատկացվել մի շարք կրթական և մշակութային հաստատությունների շենքային պայմանների բարելավմանը:
Նախատեսվում է իրականացնել մի շարք հաստատությունների շինարարական, նախագծման և գույքային հագեցվածության ապահովման աշխատանքներ, մասնավորապես՝
Նախագծանախահաշվային փաստաթղթերի կազմում և փորձաքննություն
- «Գյումրու «Ֆոտոն» վարժարան» ՊՈԱԿ-ի ջեռուցման համակարգի տեղադրում
Շինարարական աշխատանքներ
- «Երևանի N 9 արհեստագործական պետական ուսումնարան» ՊՈԱԿ-ի պատուհանների և դռների փոխարինում
- «Ալ. Սպենդիարյանի անվան օպերայի և բալետի ազգային ակադեմիական թատրոն» ՊՈԱԿ-ի տանիքի նորոգում
- «Երևանի Բ. Ժամկոչյանի անվան թիվ 119 ավագ դպրոց» ՊՈԱԿ-ի արտաքին կոյուղու ցանցի կառուցում
Գույքով ապահովում
- «Մ. Խորենացու անվան թիվ 143 հիմնական դպրոց» ՊՈԱԿ
- «Ալ. Սպենդիարյանի անվան օպերայի և բալետի ազգային ակադեմիական թատրոն» ՊՈԱԿ
Նախագծով նախատեսվում է նաև գումար հատկացնել «Սոս Սարգսյանի անվան համազգային թատրոն» ՊՈԱԿ-ին՝ ԱԱՀ-ի գծով հարկային պարտավորությունների մարման համար: