ՀՀ կրթության, գիտության, մշակույթի և սպորտի նախարարության կողմից երաշխավորված նախադպրոցական ուսումնական հաստատության ղեկավարման իրավունք /հավաստագիր/ ստանալու համար դիմող անձանց վերապատրաստում իրականացնող «Կրթության զարգացման և կառավարման» հիմնադրամը հայտարարում է վերապատրաստումներ այն անձանց համար, ովքեր ցանկանում են ստանալ ՀՀ նախադպրոցական ուսումնական հաստատության ղեկավարման իրավունք:
Դասընթացներին կարող են մասնակցել բարձրագույն կրթություն ունեցող եւ վերջին տաuը տարվա ընթացքում մանկավարժական, գիտամանկավարժական աշխատանքի կամ հանրային կառավարման ոլորտի առնվազն հինգ տարվա ընդհանուր աշխատանքային փորձ ունեցող անձինք:
Հիմնադրամի արհեստավարժ և փորձառու վերապատրաստող մասնագետները արդիական ինտերակտիվ մանկավարժական մեթոդներով կիրականացնեն դասընթացը /գործնական և տեսական պարապմուքներ/ մասնակիցների կրթության բնագավառի իրավական, կառավարչական, մանկավարժական, հոգեբանական, ուսուցման մեթոդաբանության վերաբերյալ գիտելիքները զարգացնելու և գործնական կարողունակությունները ձևավորելու նպատակով:
Ուսումնական ծրագիրը ավարտած, գրավոր (թեստային) և բանավոր ավարտական ամփոփիչ ստուգումները հաջողությամբ հանձնած մասնակիցներին տրվում է վկայական, որն իրավունք է տալիս մասնակցելու հավաստագրման քննություններին:
Դասընթացին ոչ լիարժեք մասնակցելու դեպքում մասնակիցը հնարավորություն կունենա օգտվելու անվճար խորհրդատվություններից:
Դասընթացներին մասնակցելու համար անհրաժեշտ է ներկայացնել հետևյալ փաստաթղթերը.
1) դիմում (ձև1)` վերապատրաստող կազմակերպության ղեկավարի անունով (լրացվում է տեղում)
2) 3x4 չափի 2 լուսանկար
3) բարձրագույն կրթության դիպլոմ
4) աշխատանքային գրքույկ կամ քաղվածք, տեղեկանք աշխատավայրից
5) անձնագիր
6) մասնագիտական գիտելիքներն ու գործնական կարողությունները հավաստող այլ փաստաթղթեր (գիտական աշխատություններ հրապարակումներ կամ դրանց ցանկը)
7) «Կրթության զարգացման և կառավարման» հիմնադրամ («ԱՄԵՐԻԱԲԱՆԿ» ՓԲԸ , հաշվեհամարին՝ 1570080583210100) փոխանցված գումարի անդորրագիրը:
Պահանջվող փաստաթղթերը սկանավորելուց հետո կվերադարձվեն: Դասընթացները կկազմակերպվեն ս/թ հուլիսի 24-ից օգոստոսի 16-ը` առկա, համակցված կամ առցանց եղանակներով (վերապատրաստվող մասնակցի ընտրությամբ):
20-օրյա /110 ժամ/ դասընթացի արժեքը, գրենական պիտույքների, ուսումնական նյութերի, սուրճի, սննդի ընդմիջման ապահովումը, կազմում է 55 000 հայկական դրամ:
Մասնակիցների փոխադրման և գիշերակացի ծախսերը կազմակերպությունը չի հոգում: Դասընթացները կկազմակերպվեն Երևան քաղաքում և ՀՀ բոլոր մարզերում:
Փաստաթղթերն անհրաժեշտ է ներկայացնել ս/թ հունիսի 23-ից հուլիսի-14-ը ներառյալ:
Մանրամասն տեղեկությունների համար կարող եք զանգահարել (043) 999-855, հեռախոսահամարով կամ գրել hugebrainworld@gmail.com էլեկտրոնային փոստին:
Վերապատրաստվող մասնակիցների նախնական գրանցման համար լրացնել տվյալները հղմամբ (https://forms.gle/6RdDwXEw4E1T67rq6 ):