ՀՀ կրթության, գիտության, մշակույթի և սպորտի նախարարության երաշխավորությամբ (ՀՀ ԿԳՄՍ նախարարի 16.06.2022թ. 1150-Ա/2 հրաման) Կոտայքի մարզի «Հրազդանի Հ․ Պարոնյանի անվան թիվ 12 հիմնական դպրոց» ՊՈԱԿ-ը կազմակերպում է վերապատրաստման դասընթացներ նախադպրոցական ուսումնական հաստատության ղեկավարման իրավունք (հավաստագիր) ստանալ ցանկացողների համար:
Դասընթացները կազմակերպվում են Կոտայքի մարզի «Հրազդանի Հ. Պարոնյանի անվան թիվ 12 հիմնական դպրոց» ՊՈԱԿ-ում (հասցե` ք. Հրազդան, Միկրոշրջան թաղամաս,6-րդ փողոց, նրբանցք 1, հեռ․՝ 077-610-620, 093-971-974 ):
Դասընթացներին կարող է մասնակցել այն անձը, որն ունի բարձրագույն կրթություն և վերջին տասը տարվա ընթացքում մանկավարժական աշխատանքի կամ հանրային կառավարման ոլորտի առնվազն հինգ տարվա ընդհանուր աշխատանքային ստաժ:
Ըստ անհրաժեշտության յուրաքանչյուր մասնակցի դասընթացի կազմակերպման ձևը (առկա, հեռավար, հիբրիդային) և ժամանակացույցը կարող է համաձայնեցվել։
Յուրաքանչյուր մասնակցի անհատական կրթական կարիքներին ու առանձնահատկություններին համապատասխան կառուցվում է առաջարկվող ծրագրի անհատական համակազմ։
Յուրաքանչյուր թեմայի վերաբերյալ մասնակիցները գրավոր (թեստային) և բանավոր ստուգումների միջոցով կամփոփեն և կամրապնդեն ստացած գիտելիքներն ու հմտությունները, իսկ վերջում կհանձնեն ավարտական քննություններ գրավոր հարցաշարերի միջոցով: Կկազմակերպվեն նաև Էլեկտրոնային թեստավորումներ ։
Դասընթացները կվարեն վերապատրաստման մեծ փորձ ունեցող հանրակրթության ոլորտի փորձառու աշխատակիցներ, այլ մասնագետներ։
Վերապատրատման դասընթացը հաջողությամբ ավարտած մասնակցին տրվում է վկայական, որը նրան իրավունք է տալիս մասնակցելու նախադպրոցական ուսումնական հաստատության ղեկավարման իրավունք (հավաստագիր) ստանալու քննություններին:
Վերապատրաստման դասընթացներին մասնակցելու համար անհրաժեշտ է ներկայացնել հետևյալ փաստաթղթերը.
- դիմում՝ Կոտայքի մարզի «Հրազդանի Հ․ Պարոնյանի անվան թիվ 12 հիմնական դպրոց» ՊՈԱԿ-ի տնօրեն՝ Արամ Խաչատրյանի անունով (ձև 1, լրացվում է տեղում).
- 3x4 չափի մեկ լուսանկար.
- բարձրագույն կրթությունը հավաստող փաստաթուղթ (դիպլոմ).
- աշխատանքային ստաժի վերաբերյալ տեղեկանք կամ աշխատանքային գրքույկ (առկայության դեպքում).
- անձը հաստատող փաստաթուղթ.
- Կոտայքի մարզի «Հրազդանի Հ․ Պարոնյանի անվան թիվ 12 հիմնական դպրոց» ՊՈԱԿ-ի 900128000131 ՀՀ ֆինանսների նախարարության կենտրոնական գանձապետարանի հաշվեհամարին փոխանցված գումարի անդորրագիրը:
Փաստաթղթերի պատճենները ներկայացվում են բնօրինակների հետ միասին: Պատճենների իսկությունը ստուգելուց և տեսաներածելուց հետո բնօրինակները վերադարձվում են:
Դիմումներն ընդունվում են 2022 թվականի հունիսի 23-ից հուլիսի 14-ը ներառյալ՝ Կոտայքի մարզի Հրազդանի Հ․ Պարոնյանի անվան թիվ 12 հիմնական դպրոցում (հասցե` ք. Հրազդան, Միկրոշրջան թաղամաս, 6-րդ փողոց, նրբանցք 1), ամեն օր (բացի կիրակի օրերից)՝ ժամը 10:00-ից 16:00-ն:
Վերապատրաստման դասընթացների տևողությունը՝ 15 օր է: Դասընթացները կկազմակերպվեն հուլիսի 25-ից մինչև օգոստոսի 12-ը ներառյալ՝ ամեն օր (բացի շաբաթ և կիրակի օրերից)՝ յուրաքանչյուր մասնակցի համար անհատական ծրագրով և ժամանակացույցով:
Դասընթացի արժեքը կազմում է 45 000 ՀՀ դրամ։
Լրացուցիչ տեղեկություններ կարելի է ստանալ.
Հեռ.՝ 077-610-620, 093-971-974
Կայք՝ https://hrazdan12.schoolsite.am/
E-mail` hrazdan12@scools.am
Fb` Հրազդանի Հակոբ Պարոնյանի անվան N 12 հիմնական դպրոց