Կազմակերպությունը՝ «Կրթության զարգացման և նորարարությունների ազգային կենտրոն» հիմնադրամի «Դպրոցական սնունդ և երեխաների բարեկեցություն» հիմնարկ
Թափուր պաշտոնի անվանումը՝ «Տվյալների բազայի և ՏՏ մասնագետ»
Աշխատանքի տեսակը՝ Ամբողջ դրույք
Պայմանագրի ժամկետը՝ Անորոշ ժամկետով, 3 ամիս փորձաշրջանով
ԱՇԽԱՏԱՆՔԱՅԻՆ ՊԱՐՏԱԿԱՆՈՒԹՅՈՒՆՆԵՐԸ
- Համակարգում է Դպրոցական սնունդ ծրագրի էլեկտրոնային կառավարման և մշտադիտարկման տեղեկատվական համակարգի (ներառյալ տվյալների բազաներ) ստեղծման և փորձարկման աշխատանքները, ներառյալ՝ տեղեկատվական կառավարման համակարգի և տեղեկատվական հարթակների ընդհանուր զարգացմանը վերաբերող փաստաթղթերի մշակումը:
- Փորձնական փուլում ստուգում է տվյալների բազաները, ՏՏ գործիքները, և առաջարկում բարելավումներ:
- Ապահովում է Հիմնարկի էլեկտրոնային բազաների և տվյալների պաշպտանության համակարգի, ներառյալ տվյալների պաշտպանության ռազմավարության մշակումը, ներդրումը և վարումը:
- Պատասխանատու է ՏՏ ոլորտում մասնագիտացված ծառայությունների մատուցման ծառայության և ապրանքների գնման նպատակով առաջադրանքի/տեխնիկական պայմանների մշակման, փորձարկման և ըստ արդյունքների համակարգի վերանայման համար:
- Պատասխանատու է Հիմնարկի հաղորդակցման և փաստաթղթաշրջանառության համակարգի (Google Workspace) տեղակայման և կառավարման համար։
- Կառավարում է Հիմնարկի էլեկտրոնային այլ հաշիվները։
- Աջակցում է տնօրենին և համագործակցում է Հաղորդակցության և հանրային կապերի համակարգողի հետ վեբկայքի ստեղծման, թարմացման աշխատանքներում:
- Իրականացնում է ընթացիկ աշխատանքների համար տեղեկատվական բազաների և ցուցակների կառուցվածքների ստեղծման, միմյանց հետ կապերի ապահովման աշխատանքները:
- Աջակցում է Հիմնարկի աշխատակազմի ՏՏ և տվյալների բազաների կառավարման հմտությունների բարձրացմանը՝ կազմակերպելով ընթացիկ ուսումնական միջոցառումներ, կազմելով և շրջանառելով համառոտ ձեռնարկներ:
- Հետևում է համակարգիչների ընթացիկ աշխատանքներին և հեռահաղորդակցության հետ կապված ընթացիկ խնդիրներին և ապահովում է վերջիններիս անխափան աշխատանքը:
ՊԱՀԱՆՋՎՈՂ ԳԻՏԵԼԻՔՆԵՐԸ, ՈՒՆԱԿՈՒԹՅՈՒՆՆԵՐԸ, ՀՄՏՈՒԹՅՈՒՆՆԵՐԸ
- Բարձրագույն կրթություն համապատասխան ոլորտում,
- Առնվազն 2 տարվա աշխատանքային փորձ տեխնիկական ոլորտում,
- Ցանցի հետ կապված խնդիրների, ծրագրային և համակարգային անսարքությունների վերացման, տպիչ սարքավորումների սպասարկման իմացություն,
- Տվյալների բազաների, էլեկտրոնային ձևաթղթերի և փաստաթղթերի հետ աշխատելու կարողություն,
- Տվյալների բազաների, էլեկտրոնային ձևաթղթերի և փաստաթղթաշրջանառության համակարգերի կառավարման իմացություն՝ ներառյալ տվյալների պաշտպանություն,
- Կայքերի և էլեկտրոնային հաշիվների տեխնիկական սպասարկման հմտություններ,
- Տեխնիկական առաջադրանքներ և բնութագրեր կազմելու կարողություն,
- Տեխնիկական գիտելիքների ձեռքբերման կարողություն,
- ՀՀ մարզեր ճամփորդելու հնարավորություն,
- Հայերենի գերազանց, անգլերենի լավ իմացություն, ռուսերենի իմացությունն առավելություն է,
- Արդյունավետ հաղորդակցման և պլանավորման հմտություններ:
ԱՇԽԱՏԱՎԱՐՁ՝ 350,000 ՀՀ դրամ՝ ներառյալ ՀՀ օրենսդրությամբ սահմանված հարկերն ու պարտադիր վճարները:
Մրցույթին մասնակցելու համար անձը info@schoolfeeding.am էլ․ փոստի հասցեով պետք է ներկայացնի`
- ինքնակենսագրությունը, որը պետք է ներառի տեղեկատվություն կրթության, աշխատանքային փորձի, մասնագիտական գիտելիքների, աշխատանքային ունակությունների և հմտությունների վերաբերյալ,
- Թափուր պաշտոնը զբաղեցնելու համար մասնագիտական գիտելիքներին և աշխատանքային ունակություններին և հմտություններին ներկայացվող պահանջների բավարարումը հավաստող փաստաթղթերի, հավաստագրերի պատճենները (դրանց առկայության դեպքում),
- այլ պետությունների քաղաքացիները` Հայաստանի Հանրապետությունում աշխատելու իրավունքը,
- Հայաստանի Հանրապետության արական սեռի քաղաքացիները՝ նաև զինգրքույկը։
Նամակի «Թեմա/Subject» դաշտում խնդրում ենք նշել «Տվյալների բազայի և ՏՏ մասնագետ»։
Մրցույթին մասնակցելու հայտերի ներկայացման վերջնաժամկետը՝ 17.06.2022թ.
Մրցույթն անցկացվում է երեք փուլով` հայտերի ներկայացում, հանձնաժողովի կողմից ներկայացված փաստաթղթերի հիման վրա գնահատում և հարցազրույց: Հարցազրույցին կհրավիրվեն միայն փաստաթղթային գնահատման շեմը հաղթահարած անձիք:
ԿԱԶՄԱԿԵՐՊՈՒԹՅԱՆ ՄԱՍԻՆ
«Կայուն դպրոցական սնունդ» հիմնադրամը հիմնադրվել է 2016թ.: 2020թ․ այն վերանվանվել է «ԿԶՆԱԿ» հիմնադրամի «Դպրոցական սնունդ և երեխաների բարեկեցություն» հիմնարկ:
«Դպրոցական սնունդ և երեխաների բարեկեցություն» հիմնարկի գործունեությունն ուղղված է դպրոցականների որակյալ կրթության ապահովման, առողջության և սոցիալական պաշտպանվածության բարելավմանը։ Հիմնարկի գործունեության նպատակներն են. ա․ ուսումնական հաստատություններում սովորողներին առողջ, բազմազան, հավասարակշռված սննդի տրամադրման արդյունավետությունն ապահովելը, բ․ աստիճանաբար ընդլայնելով հանրակրթական դպրոցներում սննդի կազմակերպման շրջանակները, Հայաստանի Հանրապետության ողջ տարածքում տարրական դասարանների բոլոր սովորողներին հավասարակշռված, անվտանգ և որակյալ սնունդով ապահովմանն աջակցելը, ուսումնական հաստատություններում առողջ սննդի կազմակերպմանը, առողջ ապրելակերպի մշակույթի ձևավորմանը նպաստելը, դ․ տեղական արտադրությունը խթանելը, ե․ համայնքը, գործարար շրջանակները, սփյուռքի կազմակերպությունները և այլ դոնորներ դպրոցական սննդի կազմակերպման և զարգացման գործում ներգրավելը: