ՀՀ կրթության, գիտության, մշակույթի և սպորտի նախարարության կողմից երաշխավորված հանրակրթական ուսումնական հաստատության ղեկավարման իրավունք (հավաստագիր) ստանալու համար դիմող անձանց վերապատրաստում իրականացնող «Ինտերակտիվ կրթության զարգացում» հիմնադրամը հայտարարում է վերապատրաստումներ այն անձանց համար, որոնք ցանկանում են ստանալ ՀՀ հանրակրթական ուսումնական հաստատության ղեկավարման իրավունք:
Դասընթացներին կարող են մասնակցել բարձրագույն կրթություն ունեցող և վերջին տաuը տարվա ընթացքում մանկավարժական, գիտամանկավարժական աշխատանքի կամ կրթության կառավարման ոլորտի առնվազն յոթ տարվա ընդհանուր աշխատանքային uտաժ ունեցող անձինք:
Հիմնադրամի արհեստավարժ և փորձառու վերապատրաստող մասնագետները արդիական ինտերակտիվ մանկավարժական մեթոդներով կիրականացնեն դասընթացը (գործնական և տեսական պարապմունքներ) մասնակիցների՝ կրթության բնագավառի իրավական, կառավարչական, մանկավարժական, հոգեբանական, ուսուցման մեթոդաբանության վերաբերյալ գիտելիքները զարգացնելու և գործնական կարողունակությունները ձևավորելու նպատակով:
Դասընթացը և ուսումնական նյութերը տեղադրված կլինեն կազմակերպության հեռավար ուսուցման հարթակում՝ https://elearning.iedf.am/ և մշտապես հասանելի կլինեն դասընթացի մասնակիցներին։
Դասընթացներին մասնակցելու համար անհրաժեշտ է ներկայացնել հետևյալ փաստաթղթերը՝
- դիմում՝ վերապատրաստող կազմակերպության տնօրեն Լ․ Թոթոլյանի անունով (լրացվում է տեղում),
- 3x4 չափսի 2 լուսանկար,
- բարձրագույն կրթության դիպլոմ,
- աշխատանքային գրքույկ կամ քաղվածք, տեղեկանք աշխատավայրից,
- անձնագիր կամ նույնականացման քարտ,
- մասնագիտական գիտելիքներն ու գործնական կարողությունները հավաստող այլ փաստաթղթեր (գիտական աշխատություններ, հրապարակումներ կամ դրանց ցանկը),
- «Ինտերակտիվ կրթության զարգացում» հիմնադրամին («ԷՎՈԿԱԲԱՆԿ» ՓԲԸ, հաշվեհամար՝ 1660 0150 0510 0100) փոխանցված գումարի անդորրագիրը:
Պահանջվող փաստաթղթերը սկանավորելուց հետո կվերադարձվեն:
Փաստաթղթերն անհրաժեշտ է ներկայացնել 2022 թվականի մայիսի 25-ից հունիսի 9-ը՝ ներառյալ:
Դասընթացի մեկնարկը՝ 2022 թվականի հունիսի 13-ից։
20-օրյա (110 ժամ) դասընթացի, գրենական պիտույքների, ուսումնական նյութերի, սուրճի ընդմիջման ապահովման արժեքը կազմում է 70 000 ՀՀ դրամ:
Մասնակիցների փոխադրման և գիշերավարձի ծախսերը կազմակերպությունը չի հոգում:
Մանրամասն տեղեկությունների կամ հարցերի դեպքում կարող եք զանգահարել (094) 05-54-59, (094) 99-06-68 հեռախոսահամարներով կամ գրել interactive.found@gmail.com էլեկտրոնային փոստին: