ՀՀ կրթության, գիտության, մշակույթի և սպորտի նախարարության երաշխավորությամբ «Մաստեր Սթայլ» ՍՊԸ-ն կազմակերպում է հանրակրթական ուսումնական հաստատության ղեկավարման իրավունք (հավաստագիր) ստանալու հավակնություն ունեցող անձանց վերապատրաստման դասընթացներ:
Հանրակրթական ուսումնական հաստատության ղեկավարման իրավունքի (հավաստագրի) համար կարող է վերապատրաստվել այն անձը, որն ունի բարձրագույն կրթություն և վերջին տասը տարվա ընթացքում մանկավարժական, գիտամանկավարժական աշխատանքի կամ կրթության կառավարման ոլորտի առնվազն յոթ տարվա ընդհանուր աշխատանքային ստաժ:
Դասընթացի շրջանակում քննարկվելու և պարզաբանվելու են նորմատիվ-իրավական ակտեր, հարցաշարի հարցերը, դրանց վերաբերյալ տարբեր իրավիճակներ, տրամադրվելու են թեստային տարբերակներ։ Մասնակիցներին տրամադրվելու են նաև համապատասխան նյութեր, ուղեցույցներ, գրենական պիտույքներ:
Վերապատրաստմանը մասնակցելու համար անհրաժեշտ է ներկայացնել`
- դիմում` «Մաստեր Սթայլ» ՍՊԸ-ի տնօրենի անունով (լրացվում է տեղում),
- 3x4 չափի երկու 2 լուսանկար,
- Բարձրագույն կրթության դիպլոմի պատճեն,
- անձը հաստատող փաստաթղթի (անձնագիր, զինվորական գրքույկ, փախստականի վկայական, Հայաստանի Հանրապետության հատուկ անձնագիր, կացության վկայական) պատճեն,
- աշխատանքային ստաժի վերաբերյալ անհատական հաշվից քաղվածքի պատճենը կամ տեսաներածված տարբերակը, անհրաժեշտության դեպքում աշխատանքային գրքույկի պատճենը կամ քաղվածք,
- մասնագիտական գիտելիքներն ու գործնական կարողությունները հավաստող այլ փաստաթղթեր (գիտական աշխատություններ, հրապարակումներ կամ դրանց ցանկը),
- «Հայէկոնոմբանկ» ԲԲԸ-ում «Մաստեր Սթայլ» ՍՊԸ-ի 163008180909 հաշվեհամարին փոխանցված գումարի անդորրագիր։
Դիմումներն ընդունվում են 2022 թ. մայիսի 25-ից հունիսի 9-ը «Մաստեր Սթայլ» ՍՊԸ-ում ամեն օր` ժամը 9:00-ից 18:00-ն: Հասցե՝ ք. Երևան, Սարմենի 1, 2/1 տարածք, սենյակ 6, հեռ․՝ (+374 10) 56-72-93:
Դասընթացը մեկնարկում է հունիսի 13-ին:
Վերապատրաստման դասընթացի արժեքը 80.000 դրամ է, ներառյալ` մասնակիցներին տրամադրվող ուսումնական նյութերը:
Դասընթացի անցկացման ժամերը նախապես քննարկվելու են մասնակիցներից ձևավորված խմբի հետ: Դասընթացները վարելու են ոլորտը կարգավորող փորձագետներ, ՀՀ օրենսդրության մասնագետներ: