Հայաստանի ֆիզիկական կուլտուրայի և սպորտի պետական ինստիտուտի հոգաբարձուների խորհրդի նորացված կազմով հունվարի 12-ին գումարվել է առաջին նիստը՝ օրակարգում ընդգրկված երկու հարցով: Նիստի ընթացքում ընտրվել են խորհրդի նախագահը և քարտուղարը:
ՀՖԿՍՊԻ-ի հոգաբարձուների խորհրդի նախագահի պաշտոնում միաձայն ընտրվել է ՀՀ կրթության, գիտության, մշակույթի և սպորտի նախարարի տեղակալ Կարեն Գիլոյանը, իսկ քարտուղարի պաշտոնում՝ ՀՖԿՍՊԻ հասարակական և հումանիտար գիտությունների ամբիոնի դասախոս Վարինկա Ավագիմյանը։
Նիստի ընթացքում ՀՖԿՍՊԻ-ի շրջանավարտ, Հայաստանի ազգային օլիմպիական կոմիտեի և Համահայկական խաղերի հիմնադիր, հայկական սպորտի երախտավոր Հարություն Յավրյանին ռեկտոր Դավիթ Խիթարյանը հանձնել է բուհի 75–ամյակին նվիրված ոսկե հուշամեդալ։