Նպատակ. Աջակցել ՀՀ-ում մաթեմատիկա առարկայի առարկայական չափորոշչի/ծրագրերի փորձարկմանը ընդառաջ դասավանդման և ուսումնառության նյութերի մշակմանը «Հայաստանում ԵՄ-ն նորարարության համար. բնագիտական, տեխնոլոգիական, ճարտարագիտական առարկաների և մաթեմատիկայի կրթության բարելավում» ծրագրի շրջանակում:
Ծրագրի մասին համառոտ ակնարկ. Համաշխարհային բանկն աջակցում է ՀՀ ԿԳՄՍ նախարարությանը «Հայաստանում ԵՄ-ն նորարարության համար» ծրագրի իրականացման գործում: Եվրամիության ֆինանսավորմամբ կատարվող այս դրամաշնորհային ծրագրի նպատակն է բարելավել բնագիտական, տեխնոլոգիական, ճարտարագիտական առարկաների և մաթեմատիկայի (ԲՏՃՄ) ուսուցումը միջնակարգ կրթության ոլորտում: Ծրագրով նախատեսվում է լրամշակել (1-12 դասարաններում դասավանդվող) բնագիտական, տեխնոլոգիական, ճարտարագիտական առարկաների և մաթեմատիկայի (ԲՏՃՄ) առարկաների կրթական ծրագրերը, 5-12 դասարանների առարկայական ծրագրերը, դասապլանները, դասավանդման և ուսումնառության նյութերը, գնահատման համակարգը և հարակից այլ նյութեր, ինչպես նաև փորձնական ծրագրի շրջանակներում վերապատրաստել այդ առարկաները դասավանդող ծրագրի իրականացման նպատակով ընտրված 1 մարզի բոլոր ուսուցիչներին՝ ներկայացնելով նորարարական, աշակերտակենտրոն մեթոդաբանություն, մասնագիտական ոլորտի արդի զարգացումները:
Առաջադրանքներ և գործունեության շրջանակը. Տարրական դպրոցում մաթեմատիկա առարկայի փորձագետը կմասնակցի Տավուշի մարզում փորձարկմանը ընդառաջ մաթեմատիկա առարկայի վերանայված չափորոշչին/ծրագրին համապատասխան դասավանդաման և ուսումնառության նյութերի մշակմանը առաջին, երրորդ և չորրորդ դասարաններում։ Նա սերտորեն կհամագործակցի մաթեմատիկա առարկայի առարկայական թիմի, ինչպես նաև ԲՏՃՄ բնագավառի մյուս առարկայական թիմերի հետ՝ իրականացնելով ծրագրով նախատեսված գործողությունները:
Մաթեմատիկա առարկայի առարկայական փորձագետի առաջադրանքը մասնավորապես ներառում է.
- Մաթեմատիկա առարկայի աշխատանքային խմբի հետ սերտ համագործակցությամբ մասնակցել մաթեմատիկա առարկայի առարկայական չափորոշչի/ծրագրի համապատասխան առարկայի համար նյութերի թղթապանակի ստեղծմանը (ընթերցանության նյութեր, թեմատիկ առաջադրանքներ և այլն) ըստ դասարանների։
- Մաթեմատիկա առարկայի աշխատանքային խմբի հետ սերտ համագործակցությամբ մասնակցել մաթեմատիկա առարկայի առարկայական չափորոշչի/ծրագրի համապատասխան առարկայի համար տիպային նմուշների ստղեծմանը (դասի պլաններ, առաջադրանքների տիպեր և այլն) ըստ դասարանների։
- Մաթեմատիկա առարկայի աշխատանքային խմբի հետ սերտ համագործակցությամբ մասնակցել մաթեմատիկա առարկայի առարկայական չափորոշչի/ծրագրի համապատասխան առարկայի համար ուսուցչի ձեռնարկների ստեղծմանը (մեթոդական աջակցության նյութեր, ուղեցույց և այլն) առաջին, երրորդ և չորրորդ դասարանների համար։
- Մաթեմատիկա առարկայի աշխատանքային խմբի հետ սերտ համագործակցությամբ մասնակցել մաթեմատիկա առարկայի համար առաջարկվող գրականության ցանկի մշակմանը։
- Մաթեմատիկա առարկայի աշխատանքային խմբի հետ սերտ համագործակցությամբ մասնակցել մաթեմատիկա առարկայի համար առաջարկվող գնահատման հատկորոշիչների մշակմանը։
- Մասնակցել մաթեմատիկա առարկայի առարկայական չափորոշչի/ծրագրի փորձարկմանը ընդառաջ դասավանդման և ուսումնառության նյութերը լրամշակող խմբի շաբաթական հանդիպումներին:
- Մասնակցել աշխատաժողովների, թեմատիկ քննարկումների, որոնք կնպաստեն սույն առաջադրանքների ավելի արդյունավետ կատարմանը։
- Մասնակցել հանրային քննարկումների, թիրախային լսարանին ներկայացնել մաթեմատիկա առարկայի առարկայական չափորոշչի/ծրագրի փորձարկման համար մշակված դասավանդման և ուսումնառության նյութերը, լրամշակել մշակված նյութերը քննարկումների հիման վրա։
Գործունեության արդյունքները: Մաթեմատիկա առարկայի առարկայական փորձագետի առաջադրանքից պահանջվող որոշակի արդյունքներն են.
- Մաթեմատիկա առարկայի առարկայական չափորոշչի/ծրագրի համապատասխան մաթեմատիկա առարկայի համար նյութերի թղթապանակ (ընթերցանության նյութեր, թեմատիկ առաջադրանքներ և այլն) ըստ դասարանների։
- Մաթեմատիկա առարկայի առարկայական չափորոշչի/ծրագրի համապատասխան մաթեմատիկա առարկայի համար տիպային նմուշներ (դասի պլաններ, առաջադրանքների տիպեր և այլն) ըստ դասարանների։
- Մաթեմատիկա առարկայի առարկայական չափորոշչի/ծրագրի համապատասխան մաթեմատիկա առարկայի համար ուսուցչի ձեռնարկներ (մեթոդական աջակցության նյութեր, ուղեցույց և այլն) ըստ դպրոցների՝ տարրական, միջին և ավագ։
- Մաթեմատիկա առարկայի դասավանդման համար առաջարկվող գրականության ցանկ։
- Մաթեմատիկա առարկայի գնահատման հատկորոշիչներ։
- Մաթեմատիկա առարկայի լրամշակված առարկայական չափորոշչի/ծրագրի փորձարկմանն ընդառաջ մաթեմատիկա առարկայի դասավանդման և ուսումնառության նյութեր։
Աշխատանքի տևողությունը
Աշխատանքի տևողությունը ութ ամիս է (նոյեմբեր 2021 - հունիս 2022): Աշխատանքի շրջանականերում օրական զբաղվածությունը մինչև 6 ժամ է:
Խորհրդատուի որակավորման նվազագույն պահանջները
- Բարձրագույն կրթություն տարրական դպրոցի դասավանդման գիտակարգում,
- Առնվազն 5+ տարվա մասնագիտական աշխատանքային փորձ տարրական դպրոցում դասավանդման ոլորտում,դպրոցում դասավանդման փորձը կդիտվի առավելություն,
- Վերապատրաստման դասընթացներ կազմակերպելու կամ վարելու փորձ (ցանկալի է),
- Համապատասխան հետազոտական գրականության իմացություն, վերլուծական հմտություններ և տարբեր աղբյուրներից տեղեկատվություն առանձնացնելու և սինթեզելու ունակություն,
- Աշխատանքային խմբերում արդյունավետորեն գործելու համար միջանձնային գերազանց հմտություններ,
- Գրավոր և բանավոր հաղորդակցման հմտություններ:
- Միաժամանակ տարբեր առաջադրանքներ կատարելու և աշխատանքը վերջնաժամկետին հասցնելու կարողություն,
- Սույն աշխատանքներին 2021 թ. հոկտեմբեր - 2022 հունիս ամիսներին ընդգրկվելու հնարավորություն,
- Առավելություն կտրվի անգլերենին տիրապետող թեկնածուներին:
Փոխհատուցում. մրցակցային
Ընտրության կարգը.
Անհրաժեշտ է ուղարկել ինքնակենսագրական (CV) և հետաքրքրության նամակ (առավելագույնը 1 էջ) curriculum@edu.am էլեկտրոնային հասցեին մինչև սույն թվականի հոկտեմբերի 22-ը:
Թեկնածուները ըստ անհրաժեշտության կարող են հրավիրվել հարցազրույցի։