Պաշտոնական այցով Հայաստանում գտնվող Ֆրանկոֆոնիայի միջազգային կազմակերպության գլխավոր քարտուղար Լուիզ Մուշիկիվաբոն այսօր հանդիպում է ունեցել Երևանի պետական համալսարանի ուսանողների և պրոֆեսորադասախոսական անձնակազմի հետ:
Հանդիպմանը ներկա է եղել ՀՀ կրթության, գիտության, մշակույթի և սպորտի նախարարի տեղակալ Արթուր Մարտիրոսյանը:
Բարձրաստիճան հյուրը ԵՊՀ գիտական խորհրդի դահլիճում հանդես է եկել դասախոսությամբ, պատասխանել ուսանողների և դասախոսների հարցերին:
Հանդիպման ընթացքում ԵՊՀ ռեկտորի պաշտոնակատար Հովհաննես Հովհաննիսյանը հրապարակել է Ֆրանկոֆոնիայի միջազգային կազմակերպության գլխավոր քարտուղար Լուիզ Մուշիկիվաբոյին ԵՊՀ պատվավոր դոկտորի կոչում շնորհելու մասին գիտխորհրդի որոշումը: